Berdintasunaren aldeko Emakunde Saria, genero-ikuspegidun kazetaritzarako

Píkara aldizkariak, Berria egunkariak eta Lucía Martínez Odriozola kazetari eta irakasleak (hil ondoren) jaso dute saria

 

Atzo berdintasunaren aldeko Emakunde Saria eman zitzaien Pikara aldizkariari, Berria egunkariari eta Lucía Martínez Odriozola kazetari eta EHUko Informazio Zientzien Fakultateko irakasleari (hil ondoren), genero-ikuspegia duen eta berdintasunarekin konprometituta dagoen komunikazio eta kazetaritzaren alde egindako ekarpenagatik.

Euskalduna Jauregian egindako ekitaldian, Berdintasuneko sailburuak gogorarazi du komunikabideek balioak aldatzeko duten potentziala, eta kazetaritzan genero-ikuspegiak duen garrantzia nabarmendu du, mundua bere konplexutasun, aniztasun eta sakontasun osoan ulertzeko. Artolazabalen ustez, genero-ikuspegia bereziki beharrezkoa da, errealitatea sinplifikatu nahi duten berdintasunaren aurkako diskurtsoak azaleratzen diren garai honetan. Diskurtso sinpleak, egia esan, aurrera egiteko erreakzioa dira, eta talka egiten dute berdintasunaren alde gero eta sentsibilizatuago dagoen euskal herritarrekin.

Emakunde Sariaren helburua da jendaurrean aitortzea emakumeen eta gizonen berdintasunaren arloan egindako lanagatik nabarmendu diren pertsona fisiko edo juridiko publiko edo pribatuen jarduera. Saria 14.400 eurokoa da eta, kasu honetan, hiru hautagaien artean banatuko da.
 

Comparte |

WhatsApp
Facebook
Twitter
LinkedIn
Email

También te puede interesar:

entradas relacionadas