Gaur Ampeak hitzarmena sinatu du Arabako Foru Aldundiarekin

Emakume ekintzaileei laguntzea funtsezko faktorea da gure lurraldearen garapenerako, gure enpresa-sarea indartzen duelako eta emakumeen enpleguan eragin positiboa duelako.

Gaur Ampeak akordio bat sinatu du Arabako Foru Aldundiarekin, enpresa eta lanbide arloetan emakumeak ahalduntzeko zenbait ekintza gauzatzeko.

AMPEAn, horretarako guztirako ekintza-plan bat dugu, gure 2021-2024 Plan Estrategikoa. Plan horren zutabe nagusiak honako hauek dira: emakume zuzendariei eta enpresaburuei ikusgarritasuna ematea, emakumeen ekintzailetza bultzatzea, kontziliazioaren, kontratazioaren, sustapenaren eta aintzatespen profesionalaren arloko politikak sustatzea, egungo enpresa-testuingurura egokitutako gaitasun teknikoen eta giza gaitasunen araberako prestakuntza eskaintzea eta mentoring eta coaching programak ezartzea, besteak beste.

Hauek dira gure helburuak:

• Emakume ekintzaileak, enpresariak eta zuzendariak profesionalizatzen laguntzea.
• Emakume ekintzaileen, enpresaburuen eta zuzendarien arteko lankidetza-sare bat sortzea.
• Arabako emakume ekintzaileak, enpresariak eta zuzendariak ikusaraztea.

Hori guztia emakumeen eta gizonen arteko berdintasunari laguntzeko helburu bakarrarekin.

Prentsa-ohar osoa ikus dezakezu hemen