Otsailak 4 Minbiziaren aurkako Munduko Eguna

Denok entzun dugu minbiziaz hitz egiten, eta gutako gehienok, zuzenean ezagutzen ditugu hainbeste beldur eragiten duen gaixotasun hau duten pertsonak. Baina ba al dakigu benetan zer den minbizia?

Minbizia organismoko zelula-talde bat modu anomaloan eta kontrolik gabe haztea eragiten duen gaixotasuna da, eta, ondorioz, mukulu edo masa bat sortzen da. Hori minbizi guztietan gertatzen da, leuzemian izan ezik (odoleko minbizia).

Gutxi gorabehera, kalkulatzen da bi gizonetik batek eta hiru emakumetik batek minbizia izango duela bizitzako uneren batean. Urtero 14 milioi kasu berri baino gehiago diagnostikatzen dira munduan, eta gaixotasunak 9,6 milioi heriotza eragiten ditu urtean.

Pertsona batek, kausa anizkoitzen ondorioz, minbizi mota asko gara ditzake. Kasu askotan, arrisku-faktoreak ezin dira aldatu, baina minbizi-kasuen herena inguru saihestu daitezke arrisku-faktore nagusiak murriztuz.

Arrisku-faktore aldaezinak adina edo genetika dira.

Kontrolatu ditzakegun arrisku-faktoreak, besteak beste, hauek dira:

• Alkoholaren, tabakoaren eta drogen kontsumoa.
• Elikadura eta dieta.
• Jarduera eta ariketa fisikoak.
• Erradiazioak edo substantzia kantzerigenoekiko esposizioa.
• Infekzio jakin batzuk.

2022 – 2024rako kanpainaren leloa #ZaintzaBidezkoagoenAlde
da.

Munduan minbiziaren arretan dauden desberdintasunak ulertu eta aitortu nahi dira, horiek ezabatzen saiatuz eta guztiok kasu bakoitzean beharrezkoa den tratamendua modu berean eskura dezagun.

Tratamenduan ekitaterik eza agertzea eragiten duten oztopo ugari daude: adibidez, genero-arauak, biztanleria minoritarioaren taldeak, egoera sozioekonomikoa, adina, homofobia, transfobia eta beste batzuk.

Helburua tratamenduan ekitatea sustatzea da, pertsona bakoitzari behar duena ematea.

Hori dela eta, Gasteizen berdez argiztatuko da udaletxearen fatxada, baita La Floridako kioskoa, Sancho el Sabio eta Santa Barbarako pergolak eta Los Arquillos ere.