‘Inspirampea’ arte erakusketa

Espainian, Arte Ederretako karreretako ikasleen % 60 baino gehiago emakumeak dira.

 

Hala eta guztiz ere, Artneten eta Maastrichteko Unibertsitatearen ikerketa baten arabera, mendebaldeko galeria eta museoetan ikusgai dauden lanen egileen % 4 baino ez dira. Halaber, 2017an, ARCO Madriden ikusgai zeuden artistak % 25 ziren guztira.

Emakume artisten baloraziorik ezak eta haien lanen ikusgaitasunik ezak beren lanari aitorpen txikiagoa eta balio ekonomiko txikiagoa dakarkio. Luxenburgoko Unibertsitateak egindako ikerketa baten arabera, emakumeek egindako artelanak gizonek egindakoak baino % 47 merkeago saltzen dira.

Gizartean genero-estereotipo eta -rol desberdinak egotea estrategikoki erabili da hierarkia soziala eta botere-sistema maskulinoa mantentzeko.

Gaur egun, emakumeek ikusezin izaten jarraitzen dute Madrilgo Prado Museoan bezala, polemika handia piztu zuen “Invisibles” izeneko erakusketa egin baitzen bertan, edo Gasteizko Arte Ederren Museoan, non emakumea oraindik ere pertsona pasiboa den, bere burua margotzen uzten duena, egile gisa agertzen ez dena. Izan ere, bi emakume baino ez daude gure hiriko Arte Ederren Museoko erakusketan, gizonezko artisten ehun lanen aldean: Mentxu Gal eta Marisol Röset.

Emakumeek egungo gizartean duten zeregin intelektuala eta artistikoa nabarmendu nahi dugu, eta sektore horretan ere lidergo-profilak nabarmendu.

Erakusketan honako hauek hartzen dute parte:

Amaya Camoeiras, Blanca Abajo Alda, Carol Fernández, Estibaliz Vera, Miren Elorrieta eta Marijo Lojo Escalante, artearen munduko profesionalak hainbat diziplina artistikotan.

Martxoaren 4an inauguratuko dugu, 19: 30ean, Gran Hotel Lakuan.


AMPEA kulturarekin

Comparte |

WhatsApp
Facebook
Twitter
LinkedIn
Email

También te puede interesar:

entradas relacionadas

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies