Ada Byron 2021 saria

Helburuen artean, honako hauek nabarmentzen dira: emakumeak teknologiaren munduan ikusaraztea, haien lan garrantzitsua aitortuz, gizartea teknologia-hedapeneko ekitaldiekin aberastea, belaunaldi berrientzako emakume-ereduak eskaintzea, teknologia-bokazioak sustatzea eta teknologiak hazkunde ekonomikorako eta gizartearentzako etorkizuneko balio gisa duen garrantzia gizartean ikusaraztea.
Gainera, 2030erako Agenda Globalaren Garapen Iraunkorraren 5. helburua zehazteko ekarpena dira: “Generoen arteko berdintasuna lortzea eta emakume eta neska guztiak ahalduntzea”.
Aurtengo irabazlea Elena Garcia Armada izan da, Ada Byron saria, 2021eko emakume teknologoari. Industria-ingeniaria, CSICeko ikertzaile zientifikoa eta MarsiBionicseko presidentea. Nazioartean emaitza aitzindariak lortu ditu martxara joateko pediatriako exoeskeletoen garapenean, eta bere lanek nazioartean hedatutako zortzi patente ekarri dituzte.

Gainera, Jordina Torrents Barrena kataluniarrak Ada Byron gazte saria jaso du. Torrents 2019an doktoratu zen Pompeu Fabra Unibertsitatean adimen artifizialaren, ikaskuntza sakonaren eta irudi medikoaren arloan. Aurretik, informatika-ingeniaritzan lizentziatu zen Rovira i Virgili Unibertsitatean (2014), eta bi master egin zituen. Doktoretza garaian egonaldiak egin zituen King ‘sCollege London eta Google UKn. Gaur egun, Big Data & Analytics sailean lan egiten du HP Inc. – Large Format Printing-en (Bartzelona), adimen artifizialeko eta ikaskuntza automatikoko taldearen buru. HPn egiten duen lanarekin batera, irakasle lanak egiten ditu Universitat Oberta de Catalunyan.